Қирғизистон Бош прокуратураси делегациясининг Ҳуқуқни муҳофаза қилиш академиясига ташрифи

Ҳуқуқни муҳофаза қилиш академиясига Қирғизистон Бош прокуратураси ҳамда Қирғизистон Республикаси Бош прокуратураси ҳузуридаги Суд ижрочилари хизмати вакилларидан иборат делегациясининг ташрифи амалга оширилди.

Учрашув давомида меҳмонлар Aкадемия ташкилий тузилмаси, фаолият йўналишлари, прокуратура органлари ходимларини тайёрлаш, қайта тайёрлаш ва малакасини оширишни ташкил этиш тизими, яратилган замонавий таълим инфратузилмаси билан яқиндан танишдилар.

Шунингдек ташриф давомида делегация аъзоларида Академиянинг Рақамли криминалистика илмий-тадқиқот институти кенг қизиқиш уйғотиб, унинг фаолияти юзасидан батафсил маълумотлар берилди.

Тадбир якунида томонлар таълим ва илмий йўналишда ўзаро ҳамкорликни ривожлантиришга ҳамда қўшма тадбирларни амалга оширишга тайёр эканликларини билдиришди.