Академия талабаси – ITKF карате-до бўйича Марказий Осиё чемпионати ғолиби

Академияда ходимлар ва талабалар орасида соғлом турмуш тарзини мустаҳкам қарор топтириш, уларнинг жисмоний ва маънавий саломатлигини таъминлаш, спортга бўлган қизиқишни кучайтириш орқали спортга кенг жалб қилишга йўналтирилган ишлар тизимли олиб борилмоқда.

Мазкур йўналишда зарур инфратузилма яратилиб, спорт мусобақалари мунтазам равишда ташкил этиб келинади. Тадбирлар талабаларнинг салоҳияти, ташаббускорлиги ҳамда соғлом рақобат муҳитида ўзини намоён этиш имкониятларини кенгайтиришга қаратилган.

Шу билан бирга, сараланган талабаларимиз юртимизда ҳамда хорижда ташкил этилаётган спорт мусобақаларида фаол иштирок этмоқдалар.

Жумладан, Самарқанд шаҳрида спортнинг ITKF Karate-do йўналиши бўйича ўтказилган Марказий Осиё чемпионатида 2-курс талабаси Худойбердиев Муроджон 18 ёшдан катта ёш тоифасида фахрли биринчи ўринни қўлга киритди.

Талабамизни табриклаб, келгусида спортда янада юксак натижаларга эришишини тилаймиз.