Мажбурий ижро бюросининг туман (шаҳар) бўлим бошлиқларининг малака ошириш курслари бошланди

Ўзбекистон Республикаси Бош прокуратураси Академиясида 2018 йилнинг 10 декабридан Бош прокуратура ҳузуридаги Мажбурий ижро бюросининг туман (шаҳар) бўлим бошлиқлари иштирокида “Ижро иши юритиш соҳасидаги қонун ҳужжатларини амалиётга тўғри татбиқ этилишини таъминлаш масалалари” мавзусида малака ошириш курслари бошланди.

Дастурга асосан, мамлакатимизда амалга оширилаётган кенг қамровли ислоҳотлар жараёнида қонун устуворлигини таъминлаш ва қонунийликни мустаҳкамлашда прокуратура органлари олдига қўйилаётган вазифаларнинг мазмун-моҳияти, Бюро органлари томонидан мажбурий ижро ҳаракатларини амалга оширишда қонун нормаларига риоя қилиш масалалари ҳамда соҳадаги ҳуқуқбузарликларни олдини олиш ва бартараф этишга қаратилган маъруза ҳамда амалий машғулотлар ўтказилиши назарда тутилган.

Малака ошириш курслари давомида тингловчилар ўзларининг амалий фаолиятларида келиб чиқаётган муаммоли вазиятларни таҳлил қилиб, Академия профессор-ўқитувчиларидан тегишли касбий ҳуқуқий тушунтиришлар олишади.