Маҳаллаларда хавфсиз муҳит яратиш бўйича ишлар давом этмоқда

Ҳуқуқни муҳофаза қилиш академияси Ўзбекистон Республикаси Президентининг 2025 йил 3 январдаги “2025 йилда республика маҳаллаларида хавфсиз муҳит яратиш ва ҳуқуқбузарликларнинг барвақт олдини олиш тизими самарадорлигини янада ошириш чора-тадбирлари тўғрисида”ги ПҚ–1-сон ҳамда 2025 йил 18 августдаги “Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида”ги қарорлари доирасида чора-тадбирларни изчил амалга ошириб келмоқда. 

Академия ишчи гуруҳи Жиззах шаҳри маҳаллаларида, шу жумладан “Маданият” МФЙ ҳудудида криминоген вазиятни илмий ёндашув асосида ўрганишлар ўтказди. Ўрганиш жараёнида жиноятчиликнинг олдини олиш ва маҳалла фаолларини жамоат хавфсизлигини мустаҳкамлаш жараёнига жалб этишга алоҳида эътибор қаратилди.

Таҳлиллар асосида “қизил” ва “сариқ” тоифадаги маҳаллалар учун манзилли профилактика чоралари бўйича илмий асосланган таклифлар ишлаб чиқилди. Ушбу йўналишдаги ишлар тизимли давом эттирилади.