Ўзбекистон Республикаси Ҳуқуқни муҳофаза қилиш академияси бакалавриатига хорижий фуқароларни ўқишга қабул қилиш бўйича аризалар қабул қилиш бошланди

Ўзбекистон Республикаси Ҳуқуқни муҳофаза қилиш академиясининг Мувофиқлаштириш-васийлик кенгашининг 5-сонли йиғилиши баёни билан Академия бакалавриати “60420100 – Юриспруденция” йўналишига хорижий фуқароларни қабул қилиш учун суҳбат ўтказиш ва унинг натижаларини белгилаш тартиби белгиланган.

Хорижий фуқароларни ўқитиш ўзбек ва рус тилида, тўлов-контракт асосида, кундузги таълим шаклида амалга оширилади.

Талабгорлар Академия бакалавриатига суҳбат натижасига кўра қабул қилинади.

Номзодлар 2025 йил 3 октябрга қадар (шу куни хам) Академиянинг https://bachelor.proacademy.uz/  электрон платформаси орқали рўйхатдан ўтишлари ва қуйидаги ҳужжатларни юклашлари лозим:

– хорижий фуқаронинг паспорти ёки унинг ўрнини босувчи ҳужжат;

– белгиланган тартибда легализация қилинган ёки апостил қўйилган хорижий давлатнинг ваколатли органлари томонидан берилган, ўрганилган фанлар ва улар бўйича имтиҳонларда олинган баҳолар (баллар) кўрсатилган таълим ҳақидаги ҳужжат.

Юкланаётган ҳар бир ҳужжат алоҳида файл (PDF шаклида) кўринишида бўлиши лозим.

Зарурат туғилганда, қўшимча ҳужжатлар ҳам талаб қилиниши мумкин.

Қабул бўйича қўшимча маълумотларни қуйидаги рақамлар орқали олиш мумкин: 71-202-04-96 (вн. 1727; 1991).