Прокурорлик фаолиятида анъана ва замонавийлик: Академия талабалари музейда

Прокуратура органлари тарихи ва анъаналари билан танишиш орқали талабаларда касбий мотивацияни кучайтириш, прокурорнинг жамият олдидаги миссияси, этик стандартлари ва бурч ҳиссини шакллантириш мақсадида Ҳуқуқни муҳофаза қилиш академияси бакалавриати талабалари Ўзбекистон прокуратураси тарихи музейига ташриф буюришди.

Экспозиция билан танишув давомида талабалар прокуратура органларининг шаклланиши ва ривожланиш босқичлари, тизимда амалга оширилган ислоҳотлар, шунингдек прокуратура органларининг қонунийликни таъминлаш, фуқаролар ҳуқуқларини ҳимоя қилиш ва жамоат манфаатларини муҳофаза қилишдаги ўрни билан танишдилар.

Бу каби тадбирлар Академияда жорий этилган амалиётга йўналтирилган ўқув жараёнининг муҳим қисми бўлиб, талабаларнинг касбий идентификацияси, зарур компетенциялари ва ҳуқуқни муҳофаза қилиш тизими ходимларига хос қадриятларни шакллантиришга хизмат қилади.