Ўзбекистон Республикаси Ҳуқуқни муҳофаза қилиш академияси ва Янка Купала номидаги Гродно давлат университети (Беларусь Республикаси) қўшма таълим дастурига бўлиб ўтган кириш имтиҳонлари натижалари  

Ўзбекистон Республикаси Ҳуқуқни муҳофаза қилиш академияси ва Янка Купала номидаги Гродно давлат университети (Беларусь Республикаси) ўртасида қўшма таълим дастури бўйича кириш имтиҳонлари якунланди.  Иккинчи босқич натижалари Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан тақдим этилди.

Вазирлар Маҳкамасининг 2021 йил 6 июлдаги "Ўзбекистон Республикаси ва хорижий ҳамкор олий таълим ташкилотларининг қўшма таълим дастурлари асосида таълим фаолиятини ташкил этиш тартиби тўғрисидаги низомни тасдиқлаш ҳақида”ги 421-сон қарорига асосан иккинчи босқичда чет тили бўйича кириш имтиҳонларида тўплаш мумкин бўлган максимал баллнинг камида 30 фоизини (9 балл) тўплаган абитуриентлар қўшма таълим дастури бўйича ўтказиладиган танловда иштирок этади ҳамда қабул параметрларидан келиб чиқиб, ўқишга қабул қилинади.

Қабул бўйича қўшимча маълумотларни қуйидаги рақамлар орқали олиш мумкин:
71-202-04-96 (ички 1727; 1991).