Амалий машғулотлар ўтказилди  

Академияда талабаларни ҳуқуқни муҳофаза қилувчи органларнинг таълим муассасалари профессор-ўқитувчилари ҳамда амалиётчи-ҳарбий хизматчи (ходим)лари билан ҳамкорликда касбий тайёргарлиги бўйича билим, кўникма ва малакаларини шакллантириш ва ривожлантиришга, уларни келгуси хизмат фаолиятига тайёрлашга алоҳида эътибор берилмоқда.

Хусусан ўқув режа ва дастурларга мувофиқ “Ҳарбий ва жисмоний тайёргарлик” модули доирасида , бакалавриат 1-курс талабалари учун “Саф тайёргарлиги” фанининг “Қуролсиз бажариладиган саф амаллари ва ҳаракатлари” мавзусидаги машғулоти соҳа мутахассислари – Ўзбекистон Республикаси Миллий гвардиясининг Фахрий қоровул батальони ва намунали ҳарбий оркестри ҳарбий хизматчилари иштирокида амалий машғулот тарзида ўтказилди.

Машғулотнинг кириш қисмида ҳарбий хизматчилар саф тайёргарлиги бўйича кўргазмали чиқишларини намойиш этдилар, шунингдек талабалар билан қад ростлаб туриш, жойда туриб бурилишлар, ҳарбийча салом бериш, сафдан чиқиш ва сафга қайтиш, барабанлар садоси остида ҳаракатланиш ва юриш каби ўқув машқлари амалий кўриб чиқилди.