Илмий лойиҳаларни амалга ошириш бўйича салоҳиятни юксалтиришга йўналтирилган семинар ўтказилди

Ўзбекистон Республикаси Ҳуқуқни муҳофаза қилиш академиясида магистратура тингловчилари учун Pivot-RP платформаси орқали илмий лойиҳаларни молиялаштириш манбаларидан самарали фойдаланишга бағишланган семинар ташкил этилди.

Тадбирда эксперт сифатида Илмий-техник ахборот маркази Илм-фан ва инновациялар ривожланишини таҳлил қилиш бошқармаси етакчи мутахассиси Д.Лутфуллаев иштирок этди.

Семинар давомида иштирокчиларга дунё бўйлаб барча илмий тадқиқот йўналишларида 28 мингдан зиёд доимий янгиланадиган молиялаштириш имкониятларини ўз ичига олган ва умумий ҳажми 134 млрд АҚШ долларидан ортиқ грантларни жалб қилиш имконини яратадиган тизимли платформа – Pivot-RP ҳақида маълумот берилди.

Магистратура тингловчилари семинарда фаол иштирок этиб, ўзларини қизиқтирган саволларга батафсил жавоб олдилар.