Қашқадарё вилояти маҳаллаларда криминоген вазиятни илмий ёндашувлар асосида ўрганиш ишлари

Ҳуқуқни муҳофаза қилиш академияси ишчи гуруҳи томонидан Қашқадарё вилоятининг “Қарлиқхона”, “Хўжахиёл”, “Комилон” (Қарши шаҳри), “А.Навоий”, “Пахтазор”, “Пахтакор”, “Истиқлол”, “Кат”, “Батош” ва “Тинчлик” (Қарши тумани), “Дўстлик”, “Юксалиш”, “Денов” (Касби тумани), “Апарди”, “Янгиҳаёт”, “Чақар” (Ғузор тумани) “Истиқлол”, “Торқопчиғой” (Деҳқонобод тумани), “Боғишамол”, “Танхоз”, “Чоршанбе”, “Қутчи” (Шаҳрисабз тумани), “Қозигузар”, “Соҳибқирон”, “Камолот” (Шаҳрисабз шаҳри) “Олтиндала”, “Беламиш”, “Умакай” (Кўкдала тумани), “Санам”, “Нурафшон”, “Шўробсой”, “Тошкент”, “Ҳ.Олимжон” (Китоб тумани) маҳаллаларда ҳуқуқбузарлик ва жиноятларни ўз вақтида аниқлаш ҳамда уларнинг олдини олиш масалалари илмий ёндашувлар асосида ўрганилди.

Мутахассислар маҳаллалардаги криминоген вазиятга таъсир кўрсатувчи сабаб ва омиллар, жиноятни содир этишга замин яратаётган шарт-шароитлар ҳамда ижтимоий-маиший муаммолар, олиб борилаётган профилактик ишлар ҳолатини ўрганиб, таҳлил қилишди.

Ўрганиш якунлари бўйича ҳар бир маҳалланинг аниқ хусусиятларини инобатга олган ҳолда, аҳоли гавжум бўладиган масканларда (бозор, савдо ва умумий овқатланиш ва ҳ.к.) ҳуқуқбузарликлар содир этилишининг барвақт олдини олиш учун назорат тадбирларини янада ошириш, аҳолини ўз мулкига беэътибор бўлмасликларига қаратилган умумий профилактик тадбирларни ташкил этиш, сайёр суд жараёнларини ташкил этган ҳолда ҳуқуқбузарлик содир этишнинг ҳуқуқий оқибатларини тушунтириш, ҳуқуқбузарлик содир этган шахсларга нисбатан виктимологик профилактика чора-тадбирларини амалга ошириш, кибержиноятлар ва фирибгарликдан жабрланиш эҳтимолини камайтириш учун аҳолини мунтазам равишда ҳуқуқий онги ва маданиятини ошириш ҳамда жиноятларни барвақт профилактикасини таъминлашга оид илмий асосланган таклиф ва тавсиялар ишлаб чиқилди.

Мазкур таклиф ва тавсиялар умумлаштирилиб, криминоген вазиятни яхшилашга қаратилган келгусидаги йўл хариталарига киритиш учун масъулларга тақдим этилди.