Туркий давлатлар ташкилоти Бош котиби бошчилигидаги делегация ташрифи

2025 йил 25 сентябрь куни Туркий давлатлар ташкилоти (ТДТ) Бош прокурорлари йиғилиши доирасида ТДТ Бош котиби К.Омуралиев бошчилигидаги делегациянинг Академияга ташрифи амалга оширилди.

Ташриф давомида делегация аъзолари Aкадемия фаолиятининг асосий йўналишлари, прокуратура ва тергов соҳаси ходимларини тайёрлаш, қайта тайёрлаш ва малакасини оширишни ташкил этиш тизими билан танишдилар.

Шунингдек, делегация аъзолари рақамли криминалистика лабораториясини кўздан кечиришиб, рақамли технологиялар ёрдамида содир этилган кибержиноятчиликка қарши курашиш, жиноятларнинг рақамли изларини тадқиқ қилиш бўйича замонавий технологиялар ва воситаларни қўллаш ҳамда суд экспертизалари ва тадқиқотларини ўтказиш имкониятлари билан танишиб чиқдилар.

Академиянинг таълим ва илмий фаолияти, айниқса рақамли криминалистика бўйича тўпланган ижобий тажрибаси ва салоҳияти меҳмонларда катта қизиқиш уйғотди.