Ҳуқуқни муҳофаза қилиш академиясида байрам тадбири: ўқитувчи ва мураббийларга миннатдорлик, ходимлар хизматларини эътироф этиш

Ҳуқуқни муҳофаза қилиш академиясида Ўқитувчи ва мураббийлар кунига бағишланган байрам тадбири бўлиб ўтди.

Тадбирда Ўзбекистон Республикаси Бош прокуратураси ва Академия раҳбарияти ҳамда ходимлари, профессор-ўқитувчилар таркиби, тингловчилар ва талабалар иштирок этди.

Тадбирни Академия бошлиғи С.И.Самадов очиб бериб, айнан устоз ва мураббийлар прокурор-тергов кадрлари янги авлодини тарбиялашда ҳар доим энг муҳим омил бўлиб қолишини таъкидлади. Улар ёш кадрларда ватанпарварлик, қонун устуворлиги ва касбий масъулият туйғусини шакллантиришда намуна сифатида хизмат қилаётгани қайд этилди.

Академия профессионал тажрибани авлоддан-авлодга етказиш анъанасини тизимли равишда ривожлантириб, ёш кадрларда бурч, масъулият ва хизмат шарафи туйғуларини шакллантирмоқда.

Тадбир доирасида юридик таълимни ривожлантириш, ҳуқуқни муҳофаза қилиш ва прокуратура органлари учун малакали кадрлар тайёрлашга катта ҳисса қўшган педагог ва ходимлар тақдирланди. Академиянинг бир гуруҳ ходимлари Ўзбекистон Республикаси Бош прокурорининг буйруғи билан мукофотланди. Бу уларнинг самарали меҳнати ва касбга садоқатига юқори баҳо бўлди.

Байрам тадбири талабалар томонидан тайёрланган концерт дастури билан давом этди. Талабалар устозларининг билимлари, эътибори ва қўллаб-қувватлаши учун миннатдорлик изҳор этдилар.