Маҳаллаларда криминоген вазиятни илмий ёндашувлар асосида ўрганиш ишлари давом этмоқда

Ўзбекистон Республикаси Президентининг 2025 йил
3 январдаги ПҚ–1-сон "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида" ҳамда 2025 йил 18 августдаги ПҚ–253-сон "Ўзбекистон Республикаси Президентининг айрим қарорларига маҳаллаларда жиноятчиликнинг барвақт олдини олиш тизими натижадорлигини янада оширишга қаратилган ўзгартириш ва қўшимчалар киритиш тўғрисида"ги қарорлари ижроси доирасида Академия ишчи гуруҳи томонидан жойларда маҳаллалардаги криминоген ҳолатни ўрганиш бўйича комплекс чора-тадбирлар амалга оширилмоқда.

Жорий йил сентябрь ойида Академия ишчи гуруҳи томонидан илмий ёндашувлар асосида Жиззах вилоятининг “Улуғбек”, “Маданият”, “Жиззахлик”, “Қассоблик”, “Сангзор” (Ш.Рашидов тумани), “Сўғдиёна”, “Қулписар”, “Янгидиёр”, “Токчилик”, “Бобур” ва “Ёшлик” (Бахмал тумани),  “Файзобод”, “Ўсмат” (Ғаллаорол тумани), “Ғўбдин”, “Сарбозор”, (Зарбдор тумани) “Таррақиёт”, “Лалмикор” (Зомин тумани), “Тўрттом”, “Тараққиёт”, (Пахтакор тумани), “Ғалаба” (Фориш тумани) “Егизбулоқ”, “Хонбанди”, “Ўхум” маҳаллаларида ҳуқуқбузарлик ва жиноятларни аниқлаш ҳамда уларнинг барвақт олдини олиш бўйича ишлар ҳолати ўрганилди.

Шу билан бирга, маҳаллалардаги криминоген вазиятга таъсир этувчи сабаб ва омиллар, жиноят содир этилишига туртки бўлаётган шарт-шароитлар ҳамда ижтимоий-маиший муаммолар, шунингдек, олиб борилаётган профилактика ишлари таҳлил қилинди.

Ишчи гуруҳ фаолияти натижаларига кўра, ҳар бир маҳалланинг хусусиятларидан келиб чиқиб, профилактик ишлар самарадорлигини ошириш ва криминоген вазиятни яхшилашга қаратилган манзилли тавсия ва таклифлар ишлаб чиқилди, улар кейинчалик “Йўл хариталари”га киритилди.