Академия магистратурасига табақалаштирилган тўлов-контракт асосида ўқишга қабул эълон қилинади

Академия магистратурасининг қуйидаги мутахассисликларига танловда иштирок этган номзодлар табақалаштирилган тўлов-контракт асосида ўқишга қабул қилиниши маълум қилинади.

Ташқи номзодлар – “Прокурорлик фаолияти” (кундузги, кечки ва масофавий), “Коррупцияга қарши курашиш”, “Инсон ҳуқуқларига оид халқаро ҳуқуқ”, “Киберхавфсизликни ҳуқуқий таъминлаш” мутахассисликлари бўйича;

Ваколатли давлат органлари ходимлари – “Киберхавфсизликни ҳуқуқий таъминлаш” ҳамда “Прокурорлик фаолияти” (масофавий) мутахассисликлари бўйича;

Ички номзодлар – “Прокурорлик фаолияти” (масофавий) мутахассислиги бўйича.

Академия магистратурасида табақалаштирилган тўлов-контракт асосида ўқиш учун Академия қабул комиссиясига жорий йилнинг 27 октябрь кунига қадар Академиянинг info@proacademy.uz  электрон почтасига ташқи номзодлар ариза, ваколатли давлат органлари ходимлари ва ички номзодлар эса ўз аризасига бевосита раҳбарининг тавсияномасини илова қилган ҳолда юбориши мумкин экани маълум қилинади.

Барча номзодлар учун ариза намунаси.

Ваколатли давлат органлари ходимлари ва ички номзодлар учун бевосита раҳбарининг тавсияномаси намунаси.