Академияда ёнғин хавфсизлиги ойлиги доирасида тадбирлар ўтказилди

Ўзбекистон Республикаси Ҳуқуқни муҳофаза қилиш академиясида жорий йил октябрь ойида эълон қилинган Ёнғин хавфсизлигини таъминлаш ойлиги доирасида қатор амалий тадбирлар ташкил этилди.

Тадбирлар давомида Академия ходимлари ва бакалавриат талабалари учун ёнғин хавфсизлиги қоидалари, талаб ва меъёрлари бўйича тушунтиришлар ўтказилиб, ёнғин содир бўлган ҳолатда эвакуация чораларини кўриш ва хавфсиз ҳаракатланиш кўникмалари шакллантирилди.

Таъкидлаш жоизки, ўқув машғулотлари жараёнида иштирокчилар ёнғин ҳолатида бинодан хавфсиз эвакуация қилиш тартиби ҳамда амалий ҳаракатлар билан бевосита танишдилар.

Бундай тадбирлар Академиядаги ходимлар ва талабаларда хавфсиз хулқ-атвор кўникмаларини мустаҳкамлаш, фавқулодда вазиятларда тўғри ҳаракат қилишга тайёрлик даражасини оширишга хизмат қилади.