Академия бакалавриати талабалари “Қатағон қурбонлари хотираси” майдонини зиёрат қилди

Юрт тарихини ўрганиш ва маънавий-ахлоқий тарбия дастури доирасида Ўзбекистон Республикаси Ҳуқуқни муҳофаза қилиш академияси бакалавриати талабаларининг Тошкент шаҳридаги “Қатағон қурбонлари хотираси давлат музейи”га ташрифи ташкил қилинди.

Ташрифдан кўзланган мақсад – талабаларда сиёсий қатағон йилларида жабр кўрган аждодлар хотирасига ҳурмат туйғусини шакллантириш, шунингдек тарихий ҳақиқатни асраб-авайлашнинг аҳамиятини англатишдан иборат бўлди.

Ташриф чоғида талабалар музей экспозициялари билан танишиб, XX асрнинг фожиали саҳифалари ҳамда мустақиллик туфайли ушбу воқеалар ҳақида очиқ сўзлаш имкони пайдо бўлганлиги юзасидан маълумотлар олишди.

Академия томонидан ташкил қилинаётган ушбу ташаббуслар, маънавий аҳамиятга эга жойларга ташрифлар, ёш ҳуқуқни муҳофаза қилувчи кадрларнинг маънавий етуклиги, фуқаролик позициясини мустаҳкамлаш ҳамда халқ ва давлат олдидаги бурчини ҳис қилишга хизмат қилади.