Ҳуқуқни муҳофаза қилиш академияси сув ресурсларини асраш ташаббусларини қўллаб-қувватламоқда

Ҳуқуқни муҳофаза қилиш академиясида экологик маданиятни ошириш ва сувдан тежамкор фойдаланишга қаратилган ташаббуслар изчил амалга оширилмоқда.

Хусусан, талабалар кенгаши ташаббуси билан Академия ходимлари ва талабалар иштирокида каналлар ҳамда сув ҳавзаларини тозалаш акциялари мунтазам ташкил этилмоқда. “Tashkent Ploggers” экологик ҳаракати билан ҳамкорликда плоггинг акциялари ўтказилиб, ёшларда табиатга масъулиятли муносабатни шакллантиришга ҳисса қўшилмоқда.

Академия ҳудудида ҳам сув ресурсларидан оқилона фойдаланишга эътибор қаратилган: талабалар турар жойларида тушунтириш суҳбатлари ўтказилади, ўқув ва маъмурий биноларда замонавий сув тежовчи жиҳозлар ўрнатилган.

Бу фаолият Академиянинг барқарор ривожланиш мақсадларига эришиш ҳамда экологик хавфсизлик соҳасидаги давлат сиёсатини амалга оширишга қўшаётган ҳиссасини ифода этади.