Академия информатика ва киберхавфсизлик соҳасида мутахассис вазифасига танлов эълон қилади (шартнома асосида вақтинчалик иш)

Ўзбекистон Республикаси Ҳуқуқни муҳофаза қилиш академияси фаолиятига информатика ва киберхавфсизлик (таълим соҳасида тажрибага эга бўлган) соҳасидаги мутахассисни вақтинчалик асосда жалб қилиш зарурати юзага келди. 

Мутахассис томонидан тақдим этилган ҳужжатлар маъқулланган тақдирда, номзод билан Академия ўртасида икки томонлама фуқаролик ҳуқуқий шартнома тузилади.

Мутахассиснинг мажбуриятлари:

– Академия раҳбариятининг топшириғига асосан Академияда информатика ва киберхавфсизлик соҳасига оид лойиҳаларини ишлаб чиқиш ва амалга ошириш, шартномага илова қилинган бажариладиган ишлар календарь режасига мувофиқ Академия ходимлари ва таълим олувчиларда информатика ва киберхавфсизлик соҳасида кўникмаларни шакллантиришга қаратилган қуйидаги хизматларни (кейинги ўринларда – хизматлар) кўрсатиш:

– Академияда информатика ва киберхавфсизлик бўйича ўқув ва ўқув-услубий қўлланмаларни тайёрлаш;

– ўқув режага мувофиқ Академияда “Юриспруденция: тергов фаолияти” таълим йўналишида информатика ва киберхавфсизлик модули бўйича фонд маърузаларини ишлаб чиқиш;

– Академияда “Юриспруденция: тергов фаолияти” таълим йўналишида информатика ва киберхавфсизлик фани бўйича тест материаллари ва тақдимотларни тайёрлаш;

– “Юриспруденция: тергов фаолияти” таълим йўналишида информатика ва киберхавфсизлик модули бўйича машғулотлар ўтказиш.

Номзодга қўйиладиган талаблар:

Информатика ва киберхавфсизлик соҳасида малакани тасдиқловчи ҳужжат (диплом, сертификат);

Информатика ва киберхавфсизлик соҳасида камида икки йиллик иш тажрибаси;

Ўзбек ва рус тилларини яхши билиш.

Мазкур иш 6 (олти) ой муддатга белгиланган бўлиб, кейинчалик заруратга кўра, фуқаролик меҳнат шартномаси асосида Академияга ишга қабул қилиниши мумкин.

Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.

Талаблар: ташаббускорлик, жамоа бўлиб ишлаш қобилияти, берилган топшириқларни ўз вақтида бажариш,

Иш вақти: ҳафтасига 5 кунлик иш режимида 40 соатни ташкил этади.

Талабгор Академия Кадрлар бўлимига фуқаролик паспорти ёки ID картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот тўғрисида диплом ва унинг иловаси, меҳнат дафтарчаси нусхаси, ЖШИР маълумотномаси)ни тақдим этиши лозим.

Тақдим этилган ҳужжатлар ўрганиб чиқилгач, заруратга кўра, номзод билан комиссия таркибида суҳбат ўтказилади.

Ҳужжатларни топшириш муддати 2025 йил 31 октябрга қадар.

тел: 71 202-04-96 (1962)