Жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича онлайн семинар

Жиноий фаолиятдан олинган даромадларни легаллаштириш, терроризм ва оммавий қирол воситалари тарқатилишини молиялаштиришга қарши курашиш соҳасида мутахассисларнинг билим ва малакасини ошириш мақсадида Ҳуқуқни муҳофаза қилиш академияси, “Ўзбекистон почтаси” АЖ ҳамда Бош прокуратура ҳузуридаги Иқтисодий жиноятларга қарши курашиш департаменти ҳамкорлигида онлайн семинар ташкил этилди.

Тадбирда “Ўзбекистон почтаси” АЖ ҳудудий филиалларидаги ички назорат тизими ходимлари ҳамда Ахборотлаштириш ва телекоммуникациялар соҳасида назорат инспекциясининг (“Ўзкомназорат”) ҳудудий бўлим ва бўлинмалари мутахассислари иштирок этдилар.

Академия ходими семинар иштирокчиларига 2023 йилда Ўзбекистон Республикасида ўтказилган жиноят йўли билан топилган даромадларни легаллаштириш, терроризм ва оммавий қирол воситалари тарқатилишини молиялаштириш билан боғлиқ хатарларни миллий баҳолаш натижалари ҳамда бу йўналишдаги халқаро стандартлар ҳақида батафсил маълумот берди.

Семинар очиқ ва конструктив мулоқот руҳида ўтди ҳамда иштирокчиларнинг ушбу соҳадаги амалий кўникмаларини ва билимларини янада оширишга хизмат қилди.