Халқаро ҳамкорлик доирасида навбатдаги учрашув

Ҳуқуқни муҳофаза қилиш академиясида Миграция бўйича халқаро ташкилотнинг (IOM) Ўзбекистондаги миссияси раҳбари Эндрю Грей билан учрашув бўлиб ўтди.

Меҳмонлар Академия ва унинг асосий фаолият йўналишлари, прокуратура ва тергов органлари ходимларини тайёрлаш, қайта тайёрлаш ва малакасини оширишни ташкил этиш тизими билан танишиб чиқдилар.

Учрашувнинг асосий мақсади миграция жараёнларини тартибга солиш, мигрантлар ҳуқуқларини ҳимоя қилиш ҳамда миграция соҳасида кадрлар салоҳиятини ошириш борасидаги ҳамкорлик масалаларини муҳокама қилишдан иборат бўлди.

Мулоқот давомида томонлар Академия ва IOM ўртасидаги ҳамкорликни кенгайтириш, илмий-тадқиқот фаолиятини қўллаб-қувватлаш ва қўшма лойиҳаларни амалга ошириш имкониятларини кўриб чиқдилар.