Коррупцияга қарши курашиш соҳасида халқаро тажриба алмашинилди

Коррупцияга қарши курашиш ва жиноий активларни қайтариш соҳасида тажриба алмашиш мақсадида ЕХҲТ кўмагида Молдова Республикасига хизмат сафари ташкил этилди.

Ташриф доирасида Академия ходимлари Молдова Республикасининг Коррупцияга қарши курашиш миллий маркази ҳамда Жиноий активларни қайтариш агентлиги (CARA) фаолияти билан атрофлича танишдилар.

Хусусан, Коррупцияга қарши курашиш миллий маркази ва Жиноий активларни қайтариш агентлиги вакиллари билан бўлиб ўтган учрашувларда Молдова Республикасида коррупциянинг олдини олиш, коррупциявий хавф-хатарларни баҳолаш, ҳужжатларни коррупцияга қарши экспертизасини ўтказиш, ҳалоллик маданиятини шакллантириш, коррупция ҳолатлари бўйича тезкор-текширув тадбирларини амалга ошириш, коррупция тенденцияларини таҳлил қилиш, шунингдек манфаатлар тўқнашуви ва даромадларни декларация қилиш билан боғлиқ масалалар атрофлича ўрганилди.

Шу билан бирга, молдовалик мутахассисларга мамлакатимизда коррупциянинг олдини олиш ва унга қарши курашиш соҳасида амалга оширилаётган ислоҳотлар ҳамда Академиянинг мазкур йўналишдаги фаолияти ҳақида маълумот берилди. Илмий-тадқиқот ва таълим соҳаларида ҳамкорликни янада ривожлантириш юзасидан таклифлар илгари сурилди.