Талабаларнинг Ўзбекистон миллий кутубхонасига ташрифи ташкил этилди

Ҳуқуқни муҳофаза қилиш академияси “Тергов фаолияти” бакалавриат йўналиши талабалари Алишер Навоий номидаги Ўзбекистон Миллий кутубхонасига ташриф буюришди. 

Ташриф давомида талаба ёшлар кутубхонанинг фаолияти, ҳуқуқий адабиётлар фонди ҳамда фойдаланувчилар учун яратилган замонавий ахборот-инновацион имкониятлар билан яқиндан танишдилар.

Шу билан бирга, талабаларга электрон манбалардан фойдаланиш, норматив-ҳуқуқий ҳужжатларни излаш ва таҳлил қилиш, мустақил тайёргарлик кўриш учун шароитлар ҳақида батафсил маълумотлар берилди.

Ушбу тадбир талабаларнинг амалий кўникмаларини ривожлантириш, келгусидаги тергов фаолиятида зарур бўладиган касбий компетенцияларини мустаҳкамлашга хизмат қилади.