Қашғарда бўлиб ўтган халқаро форумда ҳуқуқий ҳамкорликни мустаҳкамлаш масалалари муҳокама қилинди

Хитой Халқ Республикасининг Қашғар шаҳрида 2025 йилда «Хитой (Қашғар) – Марказий ва Жанубий Осиё» халқаро ҳуқуқ устуворлиги форуми бўлиб ўтди. Тадбирда Ўзбекистон Республикаси Ҳуқуқни муҳофаза қилиш академияси вакиллари ҳам иштирок этдилар.

Форум ҳуқуқ соҳасидаги етакчи мутахассислар, давлат идоралари, илмий ва халқаро ташкилотлар вакилларини бирлаштирган нуфузли мулоқот майдони бўлди.

Анжуман доирасида қонун устуворлигини таъминлаш, суд-ҳуқуқ тизимини ривожлантириш, киберхавфсизликни мустаҳкамлаш ва рақамли даврда халқаро ҳуқуқий ҳамкорликни ривожлантириш масалалари муҳокама қилинди.

Шунингдек, иштирокчилар «Бир макон – бир йўл» ташаббуси доирасидаги ҳамкорликни чуқурлаштириш, трансмиллий лойиҳаларни ҳуқуқий жиҳатдан таъминлаш ҳамда барқарор ривожланишнинг ҳуқуқий асосларини кучайтириш масалаларига алоҳида эътибор қаратдилар.