Киберхуқуқ соҳасида халқаро эксперт билан учрашув бўлиб ўтди

Ҳуқуқни муҳофаза қилиш академиясида кадрларнинг рақамли ҳуқуқ ва киберхавфсизлик соҳасидаги билим ва малакасини ошириш, ўқув жараёнига илғор хорижий тажрибани жорий этиш мақсадида халқаро ҳамкорлик фаолияти изчил йўлга қўйилган.

Шу доирада киберхуқуқ соҳасида халқаро эксперт, Покистонлик ҳуқуқшунос олим доктор Наим Аллоҳ Рақҳа билан амалий учрашув ўтказилди.

Учрашув давомида Академия талабалари ва тингловчилари билан ҳамкорликда қўшма дарс машғулотларини ташкил этиш, илмий тадқиқотлар олиб бориш, ўқув-методик адабиётлар тайёрлаш ҳамда халқаро нуфузли журналларда мақолалар чоп этиш бўйича ҳамкорлик йўналишлари муҳокама қилинди.

Ушбу мулоқот Академиянинг киберхуқуқ соҳасидаги таълимни ривожлантириш ва халқаро ҳамкорликни кенгайтириш йўлидаги навбатдаги амалий қадам бўлиб хизмат қилади.