Ёш ҳуқуқшунослар билим ва заковат синовида беллашди

Беллашув Академия тингловчиларининг мантиқий ва танқидий фикрлаш қобилиятини ривожлантириш, тезкор қарор қабул қилиш кўникмасини мустаҳкамлаш, жамоада ишлаш маданиятини шакллантириш ҳамда уларнинг дунёқарашини кенгайтириш мақсадида ташкил этилди.

Интеллектуал ўйинда “Прокурорлик фаолияти”, “Тергов фаолияти”, “Коррупцияга қарши курашиш”, “Киберхавфсизликни ҳуқуқий таъминлаш” ва “Инсон ҳуқуқларига оид халқаро ҳуқуқ” йўналишларида таҳсил олаётган тингловчилар жамоалари иштирок этди.

Улар ҳуқуқ, сиёсат, тарих, маданият ва замонавий жараёнларга оид саволларга жавоб бериш орқали ўз билим ва тафаккур салоҳиятини намоён этдилар.

Ўйин жараёнида жамоалар ўртасида соғлом рақобат муҳити, фаоллик ва ўзаро ҳамжиҳатлик руҳи намоён бўлди. Тингловчиларнинг кенг дунёқараши, тезкор фикрлаши ва нутқ маданияти алоҳида эътироф этилди.

Тадбир якунида ғолиб жамоа ва фаол иштирокчилар Академия раҳбарияти томонидан даражали дипломлар билан тақдирланди.

“Заковат” интеллектуал ўйини тингловчилар ўртасида билим алмашиш, дўстона муҳитни мустаҳкамлаш ва интеллектуал салоҳиятни оширишга хизмат қилувчи самарали ташаббус сифатида баҳоланди.