Инсон ҳуқуқлари соҳасида касбий маҳоратни ошириш сари

Мазкур курс асосий иш фаолиятидан ажралмаган ҳолда, масофавий форматда ташкил этилган бўлиб, тингловчиларда инсон ҳуқуқларини таъминлаш ва ҳимоя қилиш соҳасида замонавий билим ҳамда амалий кўникмаларни шакллантиришга қаратилган.

Курснинг асосий мақсади – прокуратура ва ҳуқуқни муҳофаза қилиш органлари ходимларининг инсон ҳуқуқлари соҳасидаги халқаро стандартлар ҳамда миллий қонунчилик меъёрлари бўйича билим ва касбий маҳоратини янада чуқурлаштиришдан иборат.

Дарслар жараёнида тингловчилар инсон ҳуқуқларини ҳимоя қилишнинг халқаро ва минтақавий тизимлари, БМТнинг инсон ҳуқуқлари бўйича шартномавий органлари, тегишли институтлар ва уларнинг ваколатлари, халқаро ташкилотлар билан амалий ҳамкорликнинг турли жиҳатлари ҳамда илғор хорижий тажрибани миллий амалиётга татбиқ этиш механизмлари билан танишмоқдалар.

Ушбу ўқув дастури тингловчиларнинг касбий салоҳиятини ошириш, инсон ҳуқуқларини ҳимоя қилиш соҳасидаги масъулиятини мустаҳкамлаш ва ушбу йўналишда амалга оширилаётган ислоҳотларни самарали татбиқ этишга хизмат қилади.