Магистрантлар замонавий лойиҳа бошқаруви кўникмаларини ўзлаштирмоқда

Ҳуқуқни муҳофаза қилиш академияси магистратура тингловчилари учун лойиҳа бошқарувининг асосий курси бўйича интерактив семинар-тренинг ташкил этди.

Тадбир Академиянинг таълим тизимида замонавий бошқарув компетенцияларини шакллантириш, лойиҳавий ёндашувни илмий ва амалий фаолиятга татбиқ этишга қаратилган ташаббуслари доирасида ўтказилмоқда.

Семинарнинг асосий мақсади магистрантларда тизимли ва таҳлилий тафаккурни ривожлантириш, жамоада ишлаш ҳамда ноаниқ вазиятларда тўғри қарор қабул қилиш кўникмаларини шакллантириш, шунингдек уларни илмий-тадқиқот ва халқаро грант дастурларида иштирок этишга тайёрлашдан иборат.

Тадбир давомида иштирокчилар лойиҳа бошқарувининг назарий ва амалий жиҳатларини чуқур ўрганишади, режалаштириш ва лойиҳаларни амалга ошириш бўйича замонавий усулларни ўзлаштирадилар. Интерактив ва амалиётга асосланган ўқув усуллари магистрантларга назарий билимларни амалиёт билан уйғунлаштириш, шахсий мини-лойиҳаларни ишлаб чиқиш ва тақдим этиш имконини беради.

Семинар натижасида тингловчилар лойиҳа циклининг барча босқичларини пухта ўзлаштириб, ресурслардан самарали фойдаланиш, жамоада ҳамкорлик қилиш ва ғояларни асосли тарзда тақдим этиш кўникмаларини ҳосил қиладилар. Бу эса уларнинг касбий ва илмий салоҳиятини янада оширишга хизмат қилади.