Департамент тезкор ходимлари учун навбатдаги малака ошириш курси

Ҳуқуқни муҳофаза қилиш Академиясида Иқтисодий жиноятларга қарши курашиш департаменти туман (шаҳар) бўлимлари тезкор ходимлари учун “Тезкор-қидирув тадбирлари имкониятларидан фойдаланиш масалалари” мавзусида малака ошириш курсининг ўқув машғулотлари ўтказилмоқда.

Малака ошириш курсида дастури Департамент ходимларининг кибержиноятларга қарши курашиш, уларни фош этишда рақамли криминалистика ва тезкор-қидирув имкониятларидан фойдаланиш, тезкор-қидирув тадбирларини ўтказиш тартиби, тезкор-қидирув тадбирлари натижаларидан жиноят процессида фойдаланиш шартлари бўйича билим ва кўникмаларини ривожлантиришга йўналтирилган.

Тингловчиларга шунингдек иқтисодий жиноятларни аниқлаш ва фош этишнинг махсус усуллари, терговга қадар текширув ва дастлабки терговни олиб бориш механизмлари бўйича назарий ва амалий билимларни бериш назарда тутилган.

Ушбу курс Департамент ходимларини назарий ва амалий билим-кўникмаларини мустаҳкамлаш, замонавий билимлар билан бойитиш, профессионаллик салоҳиятини оширишга хизмат қилади.