Мустақил изланувчилар учун малака имтиҳони бўлиб ўтди

Ўзбекистон Республикаси Ҳуқуқни муҳофаза қилиш академиясининг мустақил изланувчилари махсус фанлар ва хорижий тил бўйича малака имтиҳони топширдилар.

Имтиҳон Академия, Жамоат хавфсизлиги университети, Ўзбекистон Республикаси Инсон ҳуқуқлари бўйича Миллий маркази, Ички ишлар вазирлиги Академияси, Ўзбекистон Республикаси Адлия вазирлиги ҳузуридаги Адлия академияси, Тошкент давлат юридик университети ҳамда Ўзбекистон давлат жаҳон тиллари университети лингвист-мутахассисларининг етакчи олимлари иштирокида шакллантирилган комиссия томонидан ўтказилди.

Мустақил изланувчиларнинг махсус фанлар бўйича тайёргарлик даражасини ва хорижий тилни билиш кўникмаларини баҳолаш мақсадида мамлакатимизда амалга оширилаётган суд-ҳуқуқ ислоҳотлари, мавжуд илмий муаммолар ва уларнинг диссертация тадқиқотлари доирасидаги ечимларига оид саволларга жавоблар олинди.

Малака имтиҳонидан муваффақиятли ўтган изланувчиларга белгиланган намунадаги сертификатлар топширилди.