Ҳамкорликни мустаҳкамлаш: Қирғиз Республикаси Бош прокуратураси делегациясининг ташрифи

Ўзбекистон Республикаси Ҳуқуқни муҳофаза қилиш академиясига Қирғиз Республикаси Бош прокурори ўринбосари У. Конкубаева бошчилигидаги делегациянинг ташрифи амалга оширилди.

Ташриф давомида делегация Академиянинг прокуратура ва тергов органлари ходимларини ўқитиш жараёни, таълимда қўлланилаётган янги педагогик усуллар ва замонавий технологиялар билан таништирилди.

Учрашув давомида меҳмонлар Aкадемия ташкилий тузилмаси, фаолият йўналишлари, яратилган замонавий таълим инфратузилмаси билан яқиндан танишдилар.

Шунингдек ташриф давомида делегация аъзоларида Академиянинг Рақамли криминалистика илмий-тадқиқот институти кенг қизиқиш уйғотиб, унинг фаолияти юзасидан батафсил маълумотлар берилди.

Конструктив руҳда ўтказилган мулоқотда томонлар ўзаро манфаатли йўналишлар бўйича ҳамкорликни янада кучайтириш ва кенгайтиришга келишиб олишди.