Ҳамкорликдаги янги лойиҳалар муҳокама қилинди

Ҳуқуқни муҳофаза қилиш академиясига АҚШ Давлат департаментининг Терроризмга қарши кураш дастури Марказий Осиё бўйича маслаҳатчиси Т.Крейг ва АҚШ Адлия департаментининг ICITAP дастури вакили С.Леттик билан навбатдаги ишчи учрашув ўтказилди.

Учрашувда хорижий меҳмонлар Академияда олиб борилаётган ўқув жараёни ва таълим тизими билан таништирилиб, келгуси ҳамкорлик йўналишлари, қўшма тадқиқотлар олиб бориш ва янги ўқув дастурларини ишлаб чиқиш юзасидан фикр алмашдилар.

Томонлар конструктив мулоқотни давом эттириш ва ҳуқуқни муҳофаза қилиш соҳасида кадрларнинг касбий тайёргарлигини такомиллаштиришга қаратилган қўшма ташаббуслар бўйича ҳамкорликни ривожлантиришга келишиб олдилар.