Академик декада доирасида “Заковат” интеллектуал ўйини ўтказилди

Ҳуқуқни муҳофаза қилиш академияси ташкил топганининг уч йиллиги муносабати билан Академияда академик декада тадбирлари изчил давом этмоқда. Ушбу декада доирасида талабаларнинг илмий-салоҳияти ва интеллектуал фаоллигини оширишга қаратилган қатор маънавий-маърифий тадбирлар ташкил этилмоқда.

Шу каби тадбирлардан бири сифатида бакалавриат талабалари ва магистратура тингловчилари ўртасида “Заковат” интеллектуал ўйини ўтказилди. Мазкур тадбирда “Заковат” интеллектуал клубининг вакили Р.Бурхонов  махсус меҳмон сифатида иштирок этди.

Интеллектуал беллашувда жами 16 та жамоа фаол иштирок этиб, ўзининг билим даражаси, мантиқий фикрлаш қобилияти ва жамоавий ҳамкорлик кўникмаларини намойиш этди. Беллашув юқори руҳда, кураш ва билимга интилиш муҳитида ўтди.

Беллашув якунларига кўра, ғолиб жамоалар Академия раҳбарияти томонидан қимматбаҳо совғалар, дипломлар ва махсус кубок билан тақдирланди.

Академик декада доирасида ўтказилаётган бу каби тадбирлар талабаларнинг интеллектуал салоҳиятини ошириш, жамоавий ишлаш малакаларини мустаҳкамлаш ва фаол фуқаролик позициясини шакллантиришга хизмат қилади.