Академия талабалари саф ва ўқ отиш тайёргарлигининг асосий кўникмаларини ўзлаштирмоқда

Академия талабаларининг касбий билим ва малакасини ошириш, жисмоний тайёргарлигини мустаҳкамлаш ҳамда уларда зарур компетенцияларни шакллантириш орқали келгусидаги хизмат фаолиятига пухта ҳозирлик кўриш мақсадида амалий йўналтирилган машғулотлар давом эттирилмоқда.

 “Ҳарбий ва жисмоний тайёргарлик” модули асосида ўқ отиш ва саф тайёргарлиги фанларидан бакалавриатнинг 1-босқич талабалари билан комплекс ёндашув асосида амалиётчи ҳарбий хизматчилар иштирокида амалий машғулотлар ўтказилди.

Ҳар бир талабалар гуруҳи билан ўқ отиш тайёргарлиги доирасида Макаров пистолетини нотўлиқ қисмларга ажратиш ва йиғиш тартиби, ўқотар қуролдан отиш қоидалари ва тўғри мўлжаллаш, саф тайёргарлиги фанидан эса қуролсиз саф амалларини бажариш каби ўқув саволлар амалий тарзда олиб борилди.