Ихтисослаштирилган прокурорлар корпуси ходимлари учун навбатдаги малака ошириш курси ўтказилди

Академияда Бош прокурор томонидан ўқув жараёнини прокуратура органларининг касбий фаолияти билан узвий боғлиқлигини таъминлашга оид белгиланган вазифалар ижроси доирасида Ихтисослаштирилган прокурорлар корпусининг туман (шаҳар) прокурорларининг ва уларга тенглаштирилган прокурорларнинг ёрдамчилари ҳамда вилоят прокуратуралари ходимлари иштирокида “Судларда жиноят ишлари кўрилишида давлат айбловини қувватлаш ҳамда суд қарорлари ижросини таъминлашда прокуратура органларининг роли” мавзусида малака ошириш курси ўтказилди.

Ўқув дастури аралаш таълим шаклида, Академия профессор-ўқитувчилари томонидан прокурорлик амалиётидаги долзарб масалалардан келиб чиққан ҳолда мавзу доирасида шакллантирилган ўқув контенти асосида олиб борилиб, йўналишда мавжуд бўлган муаммолар таҳлил этилди.

Малака ошириш курсининг якуний босқичида тингловчиларнинг масофадан ўзлаштирган билим ва кўникмалари бевосита аудитория машғулотлари жараёнида тренинг ҳамда ўқитишнинг интерфаол услубларидан фойдаланган ҳолда, муаммоли-вазиятли ҳолатларни таҳлил қилиш ва казуслар ечимини топиш воситасида мустаҳкамланди.

Малака ошириш курси натижаларига кўра тингловчилар томонидан мустақил равишда тайёрланган лаборатория ишларининг ҳимояси савол-жавоблар тарзида амалга оширилди.