Коррупциянинг олдини олиш ва хизмат одоби: навбатдаги тренинг ўтказилди

Ўзбекистон Республикаси Ҳуқуқни муҳофаза қилиш академияси мутахассислари Касбий таълимни ривожлантириш агентлиги ҳузуридаги Касбий таълимни ривожлантириш институтида ташкил этилган «Коррупциянинг олдини олиш ва унга қарши курашиш» мавзусидаги тренингда иштирок этдилар.

Тренинг давомида иштирокчиларга коррупциянинг олдини олиш ва коррупцион ҳолатларга йўл қўймаслик, ҳалоллик ва поклик қадриятларини шакллантириш, коррупция билан боғлиқ ҳуқуқбузарликларнинг ҳуқуқий оқибатлари, давлат хизматчилари хизмат одоби қоидаларига риоя этиш масалалари бўйича батафсил тушунтиришлар берилди. Шунингдек, манфаатлар тўқнашувининг олдини олиш ҳамда совғаларни олиш ва бериш тартибига алоҳида эътибор қаратилди.

Ўтказилган тренинг коррупцияга нисбатан муросасиз муносабатни шакллантириш, касбий ҳалоллик, очиқлик ва масъулият тамойилларини мустаҳкамлаш, шунингдек хизмат фаолиятида ҳуқуқий маданиятни юксалтиришга хизмат қилади.