Ҳуқуқни муҳофаза қилиш академиясида китоб ярмаркаси: билимлар уфқини кенгайтириш сари

Ўзбекистон Республикаси Ҳуқуқни муҳофаза қилиш академиясида тингловчилар ҳамда профессор-ўқитувчилар ўртасида китобхонлик маданиятини ошириш, шунингдек илмий-маърифий билимларни кенгайтириш мақсадида навбатдаги китоб ярмаркаси ташкил этилди.

Ярмарка доирасида ҳуқуқ, жиноят ҳуқуқи, криминология, суд-ҳуқуқ тизими, психология ва бошқа соҳаларга оид ўқув қўлланмалари, илмий-амалий адабиётлар ҳамда янги нашрлар намойиш этилди. Тадбир давомида турли жанр ва мавзулардаги бадиий адабиёт асарларига алоҳида эътибор қаратилди.

Китоб ярмаркаси Академияда таълим сифатини ошириш, илмий изланишларни қўллаб-қувватлаш ҳамда ёшлар ўртасида мутолаа маданиятини ривожлантиришга хизмат қилди. Тадбир иштирокчилари ўзларини қизиқтирган адабиётлар билан яқиндан танишиш ва уларни харид қилиш имкониятига эга бўлдилар.