Академия ва ICITAP дастури ҳамкорликни ривожлантириш истиқболларини муҳокама қилдилар

Ҳуқуқни муҳофаза қилиш академиясида АҚШ Адлия вазирлиги ҳузуридаги Жиноятларни тергов қилиш бўйича ўқитиш ва техник ёрдам кўрсатиш халқаро дастури (ICITAP)нинг ҳуқуқни муҳофаза қилиш фаолияти масалалари бўйича атташеси С.Летик билан ишчи учрашув бўлиб ўтди.

Учрашув давомида томонлар ICITAP дастури билан ҳамкорликни янада мустаҳкамлаш, ўзаро алоқаларни сифат жиҳатидан янги босқичга олиб чиқиш ҳамда қўшма лойиҳалар ва ўқув дастурларини амалга ошириш масалаларини муҳокама қилдилар. Хусусан, амалиётга йўналтирилган таълимни ривожлантириш, замонавий ёндашувларни ўқув жараёнига жорий этиш масалаларига алоҳида эътибор қаратилди.

Учрашув якунларига кўра, томонлар ҳамкорликни чуқурлаштиришга тайёр эканликларини билдириб, таклиф этилган ташаббусларни амалга ошириш бўйича аниқ қадамларни ишлаб чиқиш ва уларнинг амалий ижросини таъминлашга келишиб олдилар.