Ҳуқуқни муҳофаза қилиш академияси Кенгашининг 2026 йилдаги дастлабки мажлиси бўлиб ўтди.
Мажлис давомида Академия фаолиятига доир бир қатор муҳим масалалар кўриб чиқилди. Хусусан, Академиянинг 2025 йил иккинчи ярмидаги фаолияти натижалари танқидий таҳлил қилиниб, аниқланган камчиликларни бартараф этишга қаратилган зарур чора-тадбирлар белгилаб олинди, шунингдек, келгусида фаолиятни янада такомиллаштиришга қаратилган устувор вазифалар белгиланди.
Шу билан бирга, илмий тадқиқот фаолиятига оид амалдаги қонунчилик талабларини бузгани сабабли Академиянинг 89 нафар мустақил изланувчиси ҳамда 1 нафар таянч докторантини ўқишдан четлатиш тўғрисида қарор қабул қилинди.
Шунингдек, Академия профессор-ўқитувчилари ҳамда мустақил изланувчилари томонидан тайёрланган монографиялар ва тадқиқот натижалари бўйича бошқа илмий ишланмаларни нашрга тавсия этиш масаласи муҳокама қилиниб, бир қатор ходимларни илмий унвонларга тавсия этиш ҳақида қарор қабул қилинди.
Мажлис кун тартибидаги барча масалалар юзасидан тегишли қарорлар қабул қилинди.