“Фикрлар марафони”: талабалар иштирокида очиқ муҳокамалар

Ҳуқуқни муҳофаза қилиш академиясида Ўзбекистон Республикаси Президентининг “Маҳаллани ривожлантириш ва жамиятни юксалтириш” йилида устувор йўналишлар бўйича ислоҳотлар дастурлари ҳамда “Ўзбекистон – 2030” стратегиясини амалга ошириш бўйича Давлат дастури тўғрисидаги Фармон лойиҳасида белгиланган жамиятда коррупцияга нисбатан муросасиз муносабатни шакллантиришга қаратилган 89-мақсаднинг мазмун-моҳиятини кенг тарғиб қилиш мақсадида “Фикрлар марафони” ташкил этилди.

Тадбир давомида Академия профессор-ўқитувчилари ҳамда бакалавриат талабалари иштирокида Фармон лойиҳаси, шунингдек коррупциявий омилларни бартараф этиш тизимининг самарадорлигини ошириш ва жамиятда коррупцияга нисбатан муросасиз муносабатни шакллантиришга қаратилган чора-тадбирлар муҳокама қилинди.

Муҳокамалар жараёнида талабалар мамлакатимизда амалга оширилаётган ислоҳотларга бефарқ эмасликларини намоён этиб, коррупцияга қарши курашиш соҳасидаги таклиф ва мулоҳазаларини Норматив-ҳуқуқий ҳужжатлар лойиҳалари муҳокамаси портали (regulation.adliya.uz) орқали билдирдилар.