Ҳуқуқни муҳофаза қилиш академиясида ходимларни нафақага кузатиш маросими бўлиб ўтди

13 февраль куни Ўзбекистон Республикаси Ҳуқуқни муҳофаза қилиш академиясида прокуратура органлари, ҳуқуқни муҳофаза қилиш тизими ҳамда бошқа соҳаларда кўп йиллар давомида ҳалол ва фидокорона хизмат қилиб келган ходимларни нафақага кузатишга бағишланган тантанали маросим бўлиб ўтди.

Тадбирда Бош прокурор ўринбосари, Академия бошлиғи вазифасини вақтинча бажарувчи С.И.Самадов иштирок этди. У ўз сўзида нафақага чиқаётган ходимларнинг прокуратура органлари учун кадрлар тайёрлаш, қайта тайёрлаш ва малака ошириш жараёнига қўшган салмоқли ҳиссасини алоҳида эътироф этди. Шунингдек, уларнинг юксак касбий маҳорати, хизматга садоқати ва бой ҳаётий тажрибаси ёш авлод учун ибрат мактаби эканини таъкидлади.

Маросим давомида фахрийларга самимий миннатдорлик сўзлари билдирилиб, уларга соғлиқ-саломатлик, оилавий хотиржамлик ва фаровон ҳаёт тилаклари изҳор этилди.

Бундай тадбирлар хизмат қилган ходимларни эъзозлаш, касб нуфузини ошириш ҳамда авлодлар ворисийлигини мустаҳкамлашга хизмат қилади.