Академия талабаси коррупцияга қарши курашишга оид билимлар беллашувида совриндор бўлди

Олий таълим муассасалари талабалари ўртасида ўтказилган “Коррупцияга қарши курашишга оид билимлар беллашуви” ёшларнинг ҳуқуқий тафаккурини чуқурлаштириш, коррупцияга нисбатан муросасиз муносабатни шакллантириш ҳамда соҳавий билимларни таҳлилий ёндашув асосида намоён этишга хизмат қилувчи муҳим интеллектуал майдонга айланди.

Танлов якунларига кўра, Ҳуқуқни муҳофаза қилиш академиясининг “Тергов фаолияти” таълим йўналиши 2-босқич талабаси Абрикулова Райхона Юсуф қизи фахрли 3-ўринни эгаллаб, юқори даражадаги тайёргарлигини намоён этди.

Ушбу натижа талабанинг мустаҳкам назарий тайёргарлиги, таҳлилий фикрлаши ва коррупцияга қарши курашиш соҳасидаги муаммоларга тизимли ёндашувини акс эттирди.

Бундай беллашувлар талабаларда мустақил фикрлаш, касбий масъулият ва фаол фуқаролик позициясини шакллантириш билан бирга, коррупцияга қарши маданиятни мустаҳкамлашнинг амалий механизмларидан бири сифатида алоҳида аҳамият касб этади.

Академия жамоаси Абрикулова Райхона Юсуф қизни ушбу ютуғи билан самимий табриклайди ҳамда унга келгуси ўқиш ва касбий фаолиятида янада юксак натижалар тилайди. Мазкур натижа талабаларнинг касбий ривожланишига хизмат қилувчи академик муҳит ва тайёргарлик сифатини намоён этади.