Ўзбекистон Республикаси Ҳуқуқни муҳофаза қилиш академияси вакиллари Осиё ва Тинч океани учун Иқтисодий ва ижтимоий комиссияси (ESCAP) томонидан ноқонуний молиявий оқимларни (НМО) ўлчаш ва қисқартириш масалаларига бағишлаб 2026 йил 24–26 февраль кунлари Бангкок шаҳрида ташкил этилган халқаро амалий семинарда иштирок этдилар.
Семинар доирасида ноқонуний молиявий оқимлар кўламини баҳолашнинг замонавий методологик ёндашувлари, таққосланадиган статистик кўрсаткичларни шакллантириш инструментлари, шунингдек олинган маълумотларни стратегик режалаштириш ва давлат бошқаруви жараёнларига интеграция қилиш механизмлари муҳокама қилинди.
Шунингдек, далилларга асосланган бошқарув қарорларини ривожлантириш, Барқарор ривожланиш мақсадлари бўйича миллий ҳисобдорликни такомиллаштириш ҳамда НМО мониторингининг институционал механизмларини мустаҳкамлаш масалаларига алоҳида эътибор қаратилди.
Семинарда иштирок этиш Академиянинг профессионал салоҳиятини янада ошириш, халқаро эксперт ҳамкорлигини кенгайтириш ҳамда замонавий таҳлилий инструментларни таълим ва илмий-тадқиқот фаолиятига жорий этиш бўйича амалий йўналишларни белгилашга хизмат қилди.