Ўзбекистон Республикаси Ҳуқуқни муҳофаза қилиш академиясида назарий билимларни амалиёт билан уйғунлаштиришга қаратилган замонавий таълим форматлари изчил жорий этилмоқда.
Мазкур ишлар доирасида "Прокурорлик фаолияти" ихтисослиги талабалари учун "LegalLens AB" адвокатлик фирмаси вакили С. Каримов томонидан «Адвокатлик фаолияти» мавзусида мастер-класс ўтказилди.
Машғулот давомида очиқ мулоқот шаклида иштирокчилар амалий кейсларни кўриб чиқиб, адвокатнинг ҳимоя функциясини амалга ошириш хусусиятлари ҳамда жиноят процессида томонлар ўртасидаги ўзаро муносабатларнинг айрим жиҳатларини муҳокама қилдилар.
Бундай машғулотлар бўлажак юристларда амалий фикрлаш, касбий масъулият ва замонавий ҳуқуқий чақириқларга тайёрлик кўникмаларини шакллантиришга хизмат қилади.