Халқаро миграция ташкилоти ва Ўзбекистон Республикаси Ҳуқуқни муҳофаза қилиш академияси ўртасида ўзаро англашув Меморандумини имзолаш маросими бўлиб ўтди. Тадбир доирасида грант маблағлари ҳисобидан замонавий компьютер техникаси, дастурий маҳсулотлар ва мебель жиҳозлари билан таъминланган халқаро миграция ҳуқуқи академик лабораторияси ҳам очилди.
Мазкур қадам Академиянинг миграция ва инсон ҳуқуқлари соҳасида халқаро ташкилотлар билан ҳамкорлигини янада ривожлантиришга хизмат қилади.
Академияда миграция масалалари бўйича илмий-таълимий фаолият олиб борилмоқда, шунингдек инсон ҳуқуқлари йўналишида магистратура таълим дастури амалга оширилмоқда. Халқаро ҳамкорлар билан ўзаро алоқалар мазкур соҳадаги илмий изланишлар ва таълим ташаббусларини ривожлантиришга хизмат қилади.
Лабораториянинг очилиши халқаро миграция ҳуқуқи ва инсон ҳуқуқларини ҳимоя қилиш соҳасида илмий-тадқиқот фаолиятини кенгайтириш ҳамда академик ҳамкорликни ривожлантиришга қаратилган.
Имзоланган Меморандум томонлар ўртасидаги ҳамкорликни янада мустаҳкамлаш ва қўшма таълим ҳамда илмий лойиҳаларни амалга ошириш учун асос яратади.