Мамлакатимизда ҳар ҳафтанинг пайшанба куни “Ёшлар куни” сифатида нишонланиши ҳамда 8 март – Халқаро хотин-қизлар куни муносабати билан Ҳуқуқни муҳофаза қилиш академиясида талаба-қизлар ўртасида “Тўмарис издошлари” шиори остида “Макаров пистолетини нотўлиқ қисмларга ажратиш ва йиғиш” бўйича мусобақа ўтказилди.
Мусобақа давомида иштирокчи қизлар тезкорлик, аниқлик, зийраклик ва қатъият каби фазилатларни намоён этдилар. Уларнинг чиқишлари Ўзбекистон Республикаси Миллий гвардиясининг аёл ҳарбий хизматчилари ҳамда Академия ходимларидан иборат ҳакамлар ҳайъати томонидан машқни бажариш вақти асосида баҳоланди.
Беллашув якунларига кўра:
1-ўринни Тергов фаолияти” йўналиши 2-курс талабаси Зарипова Бону, 2-ўринни “Тергов фаолияти” йўналиши 1-курс талабаси; Қодирова Мунисабону, 3-ўринни “Прокурорлик фаолияти” йўналиши 2-курс талабаси Орынбаева Аксынгуль эгаллади.
Мусобақа кўтаринки ва дўстона руҳда ўтди. Ғолибалар диплом, медаль ва эсдалик совғалари билан тақдирланди.