Ўзбекистон Республикаси Ҳуқуқни муҳофаза қилиш академиясида масофавий таълим тизимининг сифат ва самарадорлигини янада ошириш мақсадида масофавий курслар учун видеодарслар тайёрлаш бўйича мутахассисни вақтинчалик асосда жалб этиш режалаштирилган.
Номзод томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома тузилади.
Мутахассис қуйидаги вазифаларни бажаради:
масофавий курслар доирасида тайёрланадиган видеодарслар сценарийларини ишлаб чиқиш жараёнида ўқитувчиларга методик ва техник маслаҳатлар бериш, ўқув материалларини видеодарс форматига мослаштириш бўйича амалий кўмак кўрсатиш;
суфлёр асосида ўқитувчилар иштирокида видеодарсларни тасвирга олишни ташкил этиш ва амалга ошириш;
тасвирга олинган видеодарсларни сифатли монтаж қилиш, уларни график элементлар ва бошқа визуал компонентлар билан бойитиш;
тайёрланган видеодарсларни масофавий таълим порталига жойлаштириш учун мослаштириш ҳамда уларнинг таълим жараёнида самарали қўлланилишини таъминлаш;
видеодарслар мазмунини акс эттирувчи роликлар тайёрлаш, улар орқали масофавий курсларнинг асосий ғояси, мазмуни ва афзалликларини намойиш этиш.
Номзодга қўйиладиган талаблар:
олий маълумотга эга бўлиши;
видеомонтаж ва видеодарслар ишлаб чиқиш бўйича амалий иш тажрибасига эга бўлиши;
Академия профессор-ўқитувчилари билан самарали ҳамкорлик қила олиш, ижодий ва креатив фикрлаш, масъулиятли бўлиш ҳамда юклатилган вазифаларни белгиланган муддатларда сифатли бажара олиши.
Иш шартлари:
иш муддати – 2 (икки) ой;
иш вақти – ҳафтасига 5 иш куни, соат 9:00 дан 18:00 гача (40 соатлик иш ҳафтаси);
иш жойи – шартномада белгиланган тартибда бевосита Академия биносида, шунингдек Академия раҳбарияти розилиги билан масофавий шаклда ҳам ишлаш мумкин.
Номзод қуйидаги шахсий сифатларга эга бўлиши лозим:
жамоа билан ишлаш қобилияти;
мустақил фикрлаш, ташаббускорлик ва ижодий ёндашув;
масъулиятлилик ҳамда юклатилган вазифаларни ўз вақтида ва сифатли бажариш.
Танловга қуйидаги ҳужжатлар тақдим этилади:
шахсни тасдиқловчи ҳужжат (паспорт ёки ID-карта);
ўқиш ва иш фаолияти тўғрисида маълумотнома (резюме ёки объективка);
олий маълумот тўғрисидаги диплом ва унинг иловаси (мавжуд бўлса, қўшимча сертификатлар);
меҳнат дафтарчасидан кўчирма (мавжуд бўлса, mygov.uz портали орқали олиш мумкин);
СТИР тўғрисидаги маълумотнома.
Ҳужжатларни топшириш муддати – 2026 йил 24 март (шу куни ҳам қабул қилинади).
Манзил: Тошкент шаҳри, Юнусобод тумани, Рихсилий кўчаси, 9-уй (мўлжал: эски “Зенит” заводи).
Телефон: 71 202-04-96 (1755); 93-540-35-39.