Ўзбекистон Республикаси Ҳуқуқни муҳофаза қилиш академиясида ёшлар ўртасида соғлом дунёқарашни шакллантириш, уларни турли ёт ва бузғунчи ғоялар таъсиридан асраш ҳамда инсон ҳуқуқлари ва қадриятларига ҳурмат руҳини мустаҳкамлашга қаратилган маънавий-маърифий учрашув ташкил этилди.
Тадбир доирасида Ўзбекистон Республикаси Дин ишлари бўйича қўмитаси мутахассиси И.Бекмирзаев талаба-ёшлар билан очиқ мулоқот олиб борди.
Мулоқот давомида жамиятда тинчлик ва барқарорликни таъминлашда маърифат, илм-фан ва соғлом дунёқарашнинг аҳамияти, ёшларни турли ёт ғоялар таъсиридан ҳимоя қилиш масалалари атрофлича муҳокама қилинди.
Шунингдек, ёшлар онгида диний бағрикенглик, миллатлараро тотувлик ҳамда инсон қадр-қимматини улуғлаш каби умуминсоний қадриятларни мустаҳкамлаш зарурлиги таъкидланди. Инсон ҳуқуқ ва эркинликларини таъминлаш ҳар қандай демократик жамият тараққиётининг муҳим шарти экани қайд этилди.
Учрашув интерактив мулоқот шаклида ўтди. Талабалар томонидан берилган саволларга мутахассис томонидан батафсил жавоблар берилди.
Тадбир иштирокчиларга жаҳолатга қарши курашишда маърифатнинг аҳамияти, шунингдек инсон ҳуқуқлари ва қадр-қимматини ҳурмат қилишнинг жамият тараққиётидаги ўрни ҳақида муҳим тушунчалар беришга хизмат қилди.