Наврўз байрами арафасида Ўзбекистон Республикаси Ҳуқуқни муҳофаза қилиш академиясида анъанавий ҳашар ўтказилди.
Наврўз арафасида ҳашар ўтказиш халқимизнинг азалий анъаналаридан бири бўлиб, у янгиланиш, поклик ва жамиятдаги ҳамжиҳатлик рамзи ҳисобланади. Тадбирда Академия раҳбарияти, профессор-ўқитувчилар ва бошқа ходимлари иштирок этдилар.
Ҳашар давомида Академия ҳудудини ободонлаштириш ва кўкаламзорлаштириш ишлари амалга оширилди. Ўқув ва маъмурий бинолар атрофи тозаланди, аллеялар, гулзорлар ва яшил ҳудудлар тартибга келтирилди, йўлаклар ва ёндош ҳудудларда тозалик ишлари олиб борилди. Шунингдек, Академияга туташ ҳудудларни ободонлаштиришга алоҳида эътибор қаратилди.
Бундай тадбирлар жамоада бирдамликни мустаҳкамлаш, атроф-муҳитга эҳтиёткор муносабатни шакллантириш ҳамда миллий анъаналарни асраб-авайлашга хизмат қилади. Ҳашар Наврўз байрамига тайёргарлик доирасида Академия жамоасининг биргаликдаги саъй-ҳаракатларини яна бир бор намоён этди.