Ўзбекистон Республикаси Ҳуқуқни муҳофаза қилиш академиясида “Тергов фаолияти” йўналиши талабалари учун “Ҳуқуқни муҳофаза қилиш фаолиятида рақамли кўникмалар (smart skills) троекторияси” мавзусида амалий семинар ташкил этилди.
Семинар давомида талабалар назарий билимлар билан бир қаторда амaliy кўникмаларни ҳам ўзлаштирдилар. Мутахассис олимлар томонидан рақамли маълумотларни йиғиш ва таҳлил қилиш, рақамли коммуникациялар, интеллектуал тизимлардан фойдаланиш ҳамда рақамли саводхонлик бўйича тушунчалар берилди.
Шунингдек, замонавий технологияларнинг амалий қўлланилишига алоҳида эътибор қаратилиб, жумладан, учувчисиз учиш аппаратларидан (дронлардан) фойдаланиш, уларни бошқариш ва ишга тушириш кўникмалари намойиш этилди.
Семинар доирасида дастлабки тергов ва суриштирувни рақамлаштиришнинг устувор йўналишлари ҳамда ҳуқуқни қўллаш амалиётига рақамли ечимларни жорий этиш масалалари кўриб чиқилди.
Бундай амалий тадбирлар рақамли трансформация шароитида самарали фаолият юрита оладиган малакали кадрларни тайёрлашга хизмат қилади.