Ўзбекистон Республикаси Ҳуқуқни муҳофаза қилиш академиясида Наврўз умуммиллий байрами муносабати билан “Анъана, урф-одат ва қадрият” мавзусида маънавий-маърифий тадбирлар доирасида китобхонлик мусобақаси ўтказилди.
Тадбир давомида иштирокчилар ўзларининг китобхонлик маданияти, билим савияси ва таҳлилий фикрлаш қобилиятларини намоён этдилар. Мусобақа бир неча шартлар асосида ташкил этилиб, унда талабалар бадиий асарлар мазмунини таҳлил қилиш, савол-жавоб жараёнларида фаол иштирок этиш ҳамда ўз фикрларини эркин ва асосли баён этиш бўйича беллашдилар.
Тадбирнинг асосий мақсади ёшлар ўртасида китобхонлик маданиятини кенг тарғиб қилиш, миллий анъаналар, урф-одатлар ва қадриятларга ҳурмат руҳини шакллантириш, шунингдек уларнинг маънавий ва интеллектуал дунёқарашини бойитишдан иборат бўлди.
Мусобақа якунида ғолиблар ва фаол иштирокчилар муносиб равишда тақдирланди.
Бундай тадбирлар ёшларда мутолаага бўлган қизиқишни янада ошириш, уларнинг мустақил фикрлаш ва таҳлил қилиш қобилиятларини ривожлантириш ҳамда маънавий жиҳатдан етук, кенг дунёқарашга эга шахслар сифатида камол топишига хизмат қилади.